கமலின் அடுத்தடுத்த திட்டம்

கமல், லோகேஷ் கனகராஜ் கூட்டணியில் உருவாகும் ‘விக்ரம்’ படத்தின் படப்பிடிப்பு வேலைகள் விரைவில் தொடங்க உள்ளன. இந்நிலையில், மோகன்லால், மீனா நடிப்பில் வெளிவந்த ‘த்ரிஷ்யம் 2’ படத்தின் தமிழ் ரீமேக் வேலைகளும் தொடங்குவதற்கான வாய்ப்பு அதிகரித்து வருகிறது. இப்படத்துக்காக கமல்ஹாசன் 35 நாட்கள் கால்ஷீட் ஒதுக்க திட்டமிட்டுள்ளதாக கூறப்படுகிறது.

‘பாபநாசம்’ முதல் பாகம் போலவே, இந்த 2-வது பாகமும் தனித்த கவனத்தை ஈர்க்க வேண்டும் என்ற முனைப்பில் இயக்குநர் ஜீத்து ஜோசப் கவனத்துடன் திரைக்கதையை கையாள திட்டமிட்டுள்ளார். அதற்காக 2 மாதங்கள் பிரத்யேகமாக செலவிட உள்ளதாகவும் கூறப்படுகிறது. முதல் பாகத்தில் நடித்த கவுதமிக்கு பதிலாக, சிம்ரன், நதியாவிடம் பேசி வருகின்றனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்