‘மங்காத்தா’ வெளியாகி 10 ஆண்டுகள்: ரசிகர் அல்லாதோரும் கொண்டாடிய அஜித் படம்

திரைத் துறையில் 30 ஆண்டுகளாகக் கதாநாயகனாகக் கோலோச்சிக் கொண்டிருக்கும் நடிகர் அஜித் குமாரின் முக்கியமான வெற்றிப் படம் ‘மங்காத்தா’. 2011 ஆகஸ்ட் 31 அன்று வெளியான ‘மங்காத்தா’ அஜித் ரசிகர்களை மட்டுமல்லாமல் பொதுவான வெகுஜன சினிமா ரசிகர்களையும் பெரிதும் திருப்திப்படுத்தி பிளாக் பஸ்டர் வெற்றியைப் பெற்ற திரைப்படம்.

இயக்குநர் வெங்கட் பிரபுவின் திரை வாழ்விலும் முக்கியமான திரைப்படமாக அமைந்தது ‘மங்காத்தா’. முந்தைய படங்களில் இளம் நடிகர்களுடன் பணியாற்றி வந்த அவர் அனுபவம் வாய்ந்த நட்சத்திர நடிகர் ஒருவருடன் இணைந்த முதல் படம் இது. மாபெரும் ரசிகர் பட்டாளத்தைக் கொண்ட அஜித்தின் திரைப்படத்துக்கான எதிர்பார்ப்புகளை நிறைவேற்றியதோடு ஒரு இயக்குநராக தன்னிடம் எதிர்பார்க்கப்படும் விஷயங்களையும் சரியான விகிதத்தில் கலந்து புதுமையான கதை, பரபரப்புத் திருப்பங்கள் நிறைந்த சுவாரஸ்யமான திரைக்கதை, நிறைய கதாபாத்திரங்கள், அதை நியாயம் செய்யும் கொண்டாட்டத் தருணங்கள், யுவனின் துள்ளலான பாடல்கள் என ஒரு நிறைவளிக்கும் கமர்ஷியல் பேக்கேஜாக இந்தப் படத்தை உருவாக்கியிருந்தார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்