முதல் பார்வை : வீரமே வாகை சூடும் | மனதில் வீரமிருந்தால் பார்க்கலாம்!

’வீரமே வாகை சூடும்’... விறுவிறு ஆக்‌ஷன், புல்லரிக்கும் வசனங்கள் என ட்ரெய்லரில் இருந்த ஹைப் முழுப் படமாக பார்க்கும்போது இருந்ததா? - இதோ இன்னொரு ’வழக்கம்போல்’ சினிமாவின் முதல் பார்வை...

போலீஸ் எஸ்.ஐ ஆக முயற்சி செய்துகொண்டிருக்கும் இளைஞர் போரஸ் (விஷால்). அவரது அப்பாவும் (மாரிமுத்து) ஒரு போலீஸ் கான்ஸ்டபிள். கல்லூரியில் படித்துக் கொண்டிருக்கும் விஷாலில் தங்கை துவாரகாவை (ரவீனா ரவி) அவர்களது ஏரியாவில் இருக்கும் லோக்கல் ரவுடி ஒருவரின் தம்பி ஒருதலையாகக் காதலித்து டார்ச்சர் செய்கிறார். இன்னொரு பக்கம் முதலைப் பண்ணையில் வேலை செய்யும் ஜார்ஜ் மரியனின் மகள் திவ்யா (தீப்தி) கல்லூரியில் படிக்கிறார். அவரது கல்லூரியில் படிக்கும் பணக்கார மாணவன் ஒருவன் அவருக்கு பாலியல் ரீதியாக தொல்லை கொடுக்கிறான். மூன்றாவதாக தனது கிராமத்தின் வளங்களை சுரண்டி மாசுப்படுத்தும் தொழிற்சாலைக்கு எதிராக போராடிக் கொண்டிருக்கும் பரிசுத்தம் (குமரவேல்). அவரை ஒழித்துக் கட்ட காத்திருக்கும் கார்ப்பரேட் வில்லன் (பாபுராஜ்). இந்த மூன்றுக் கதைகளும் ஒரு புள்ளியில் இணையும்போது வில்லன்களுக்கு பொதுவான எதிரியாகிறார் விஷால். அதன்பிறகு என்னவானது? வில்லன்களை வென்று நாயகன் வாகை சூடினாரா என்பதே ‘வீரமே வாகை சூடும்’ சொல்லும் கதையும் திரைக்கதையும்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்