திரைத்துறை துளிகள் | ஜெயம் ரவிக்கு கரோனா பாதிப்பு; சர்வதேச படத்தில் ஸ்ருதி ஹாசன்

ஜெயம் ரவிக்கு கரோனா தொற்று: நடிகர் ஜெயம் ரவிக்கு கரோனா தொற்று உறுதி செய்யப்பட்டுள்ளது. இதை ட்விட்டரில் அவர் தெரிவித்துள்ளார். அவர் வெளியிட்டுள்ள பதிவில், ‘‘எனக்கு கரோனா தொற்று உறுதியாகி இருக்கிறது. அனைத்து நெறிமுறைகளையும் பின்பற்றி என்னைத் தனிமைப்படுத்திக் கொண்டேன். என்னுடன் தொடர்பு கொண்டவர்கள் தேவைப்பட்டால், பரிசோதனை செய்துகொள்ளுமாறு கேட்டுக்கொள்கிறேன்” என்று தெரிவித்துள்ளார்.

சர்வதேச திரைப்படத்தில் ஸ்ருதி ஹாசன்: நடிகை ஸ்ருதிஹாசன் ‘தி ஐ' என்ற ஹாலிவுட் படத்தில் நடிக்கிறார். இதன் படப்பிடிப்பு கிரீஸ் நாட்டில் நடைபெறுகிறது. எமிலி கார்ல்டன் எழுதி, டாப்னே ஷ்மோன் இயக்கும் இந்தப் படத்தை ஃபிங்கர்பிரின்ட் ஃபிலிம்ஸ் மற்றும் அர்கோனாட்ஸ் புரொடக்ஷன்ஸ் நிறுவனங்கள் தயாரிக்கின்றன.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்