பதான்: திரை விமர்சனம்

ஜம்மு - காஷ்மீருக்கான சிறப்பு அந்தஸ்தை ரத்து செய்ததற்காக, இந்தியா மீதான தாக்குதலுக்குத் திட்டமிடுகிறார் பாகிஸ்தான் ராணுவ அதிகாரி. இதற்காக ஜிம் (ஜான் ஆபிரகாம்) என்பவனை நியமிக்கிறார். ‘ரா’ உளவாளி பதான் (ஷாருக் கான்), ஜிம்மின் தாக்குதலை முறியடிக்கப் புறப்படுகிறார். பாக். உளவாளி ருபீனாவும் (தீபிகா படுகோன்), பதானுடன் இணைகிறாள். இருவரும் ஜிம் தொடர்பான ரகசியம் ஒன்றை அறிய ரஷ்யா செல்கிறார்கள். அங்கு அவர்களுக்குக் கிடைப்பது என்ன? ஜிம்மின் தாக்குதல் திட்டத்தை பதான் முறியடித்தாரா? என்பதற்கான விடை சொல்கிறது திரைக்கதை.

இந்தியா, பாகிஸ்தான், ஸ்பெயின், பிரான்ஸ் என பல நாடுகளுக்குப் பயணிக்கிறது கதை. விலையுயர்ந்த கார்கள், ரயில், ஹெலிகாப்டர் என பலவாகனங்களும் நவீனப் போர்க் கருவிகளும் பிரம்மாண்ட செட்களும் படத்தின் ஒவ்வொரு ஃப்ரேமுக்கும் நவீனத்தன்மையை வழங்கியிருக்கின்றன.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்