முதன்மைக் கதாபாத்திரங்களில் பெண்கள் நடித்தால் பாக்ஸ் ஆபிஸ் வெற்றி கிட்டாதா? - ராணி முகர்ஜி கொந்தளிப்பு

“பெண்களை மையமாக கொண்டு உருவாக்கப்படும் படங்கள் பாக்ஸ் ஆபிஸில் வெற்றி பெறுமா என்ற பேச்சு தொடர்ந்து வருகிறது. இது கவலையளிக்கிறது. அப்படியான கதாபாத்திரத்தில் நான் நடித்த ‘Mrs Chatterjee vs Norway’ பாக்ஸ் ஆபிஸ் வெற்றியை பதிவு செய்தது” என ராணி முகர்ஜி தெரிவித்துள்ளார்.

இது தொடர்பாக பாலிவுட் நடிகை ராணி முகர்ஜி அளித்துள்ள பேட்டி ஒன்றில், “ஒரு நடிகராக சினிமா மற்றும் கதாபாத்திரங்கள் மீதான உங்களின் பார்வை தொடர்ந்து பரிணமித்துக்கொண்டேயிருக்கும். என்னை பொறுத்தவரை நான் திரையில் பெண்களை சித்தரிக்கும் விதம் குறித்தும், அவர்களை பிரதிநிதித்துவப்படுத்துவது குறித்தும் நிலையான எண்ணங்களைக் கொண்டுள்ளேன். சமூகம் மற்றும் குடும்ப அமைப்புகளில் பெண்கள் முதுகெலும்பாக திகழ்கிறார்கள். ஒரு நடிகராக இதனை என் நாட்டிற்கும், உலகிற்கும் வெளிச்சமிட்டு காட்ட வேண்டிய பொறுப்பு எனக்கு இருப்பதாக நினைக்கிறேன். படங்களில் பெண்களை தன்னம்பிக்கையுள்ளவர்களாகவும், சுதந்திரமானவர்களாகவும் காட்ட வேண்டும் என விரும்புகிறேன்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்