இசைஞானி, ராகதேவன், இசைப் பிதா, மேஸ்ட்ரோ எனும்போது சற்று தள்ளிச் சென்றதுபோல் ஏற்படும் உணர்வை 'ராசய்யா' என்று உரிமையோடு அழைக்கும்போதுதான் இன்னும் இறுகப்பற்றிக் கொள்ளச் செய்துவிடுகிறது இளையராஜாவை. இந்தி திரைப்படப் பாடல்களும், சாஸ்திரிய சங்கீதமும்தான் இசை என்றெண்ணிக் கொண்டிருந்த எத்தனையோ சமன் செய்யப்பட முடியாத கணக்குவழக்குகளை தனது இசை பேராற்றலின் மூலம் சம்மட்டியடி கொடுத்து சமன் செய்தவர் இளையராஜா.
இந்த சமன்படுத்தல்தான் இளையராஜாவை எளிய மக்களிடம் கொண்டு சேர்த்தது. தங்கள் அன்றாட வேலைகளின் அனிச்சையாக அவரது பாடல்கள் மாறியிருந்தன. மக்கள் இசையாக கொண்டாடப்படும் நாட்டுப்புறப் பாடல்களுக்கு உழைக்கும் மக்களிடத்தில் நெருக்கம் அதிகம். மிக எளிமையான மெட்டுக்களைக் கொண்டு இட்டுக்கட்டிப் பாடப்படும் இவ்வகைப் பாடல்கள் பட்டித்தொட்டியெங்கும் ராஜாவின் புகழைக் கொண்டு சேர்த்தவை.
Comments
Post a Comment