இந்தியாவில் வசூல் குவிக்கும் ‘மிஷன் இம்பாசிபிள் 7’

மும்பை: ஹாலிவுட் ஆக்‌ஷன் படங்களுக்கு உலகம் முழுவதும் ஏராளமான ரசிகர்கள் உள்ளனர். ஜேம்ஸ்பாண்ட் படங்கள் போல, ‘மிஷன்: இம்பாசிபிள்’ வரிசை படங்களுக்கும் ரசிகர்களிடம் எதிர்பார்ப்பு உண்டு. இந்தப் படத்தின் முந்தைய பாகங்கள் உலகம் முழுவதும் வசூல் சாதனைப் படைத்துள்ளன. அந்த வகையில் ‘மிஷன்: இம்பாசிபிள்’ வரிசையின் 7வது பாகமான ‘மிஷன்: இம்பாசிபிள்- டெட் ரெகனிங் (பாகம் 1)’ கடந்த 12-ம் தேதி வெளியானது.

டாம் குரூஸின் இந்த ஸ்பை ஆக்‌ஷன் படத்துக்கும் பெரும் எதிர்பார்ப்பு நிலவியது. இந்தப் படம் இந்தியாவில் ஆங்கிலத்துடன் இந்தி, தெலுங்கு, தமிழ் மொழிகளிலும் டப் செய்யப்பட்டு வெளியானது. 3500 திரைகளில் வெளியிடப்பட்ட இந்தப் படம், இந்தியாவில் 7 நாட்களில் ரூ.72.85 கோடி வசூலித்துள்ளது

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்