2023-ல் தமிழ் சினிமா மொத்த வருமானம் ரூ.3,500 கோடி! - முந்தைய ஆண்டை விட அதிகம்

கடந்த 2023-ம் ஆண்டு தமிழ் சினிமாவுக்கு உற்சாகமான ஆண்டாக மாறியிருக்கிறது. ஆண்டின் கடைசி வாரமான 29-ம் தேதி வெளியான 11 படங்களையும் சேர்த்து கடந்த ஆண்டு 256 திரைப்படங்கள் வெளியாகி இருக்கின்றன. இதில் மெகா, மீடியம், சிறுபட்ஜெட் படங்களும் அடங்கும். இதுவரை எந்த வருடமும் இத்தனைப் படங்கள் தமிழில் வெளியானதில்லை என்பதால் இதை ஆரோக்கியமாக பார்க்கலாம் என்கிறார்கள்.

அதே போல முந்தைய ஆண்டுகளை விட இந்த வருடம், தமிழ் சினிமாவின் மொத்த வருமானமும் அதிகரித்திருக்கிறது. கடந்த வருடம் ரூ.2950 கோடி வசூலித்த தமிழ் சினிமா, இந்த வருடம் ரூ.3500 கோடிவருமானம் பெற்றிருக்கிறது. சேட்டிலைட், ஓடிடி, இசை, வெளிநாட்டு, டப்பிங் உரிமை உள்ளிட்ட விற்பனையை உள்ளடக்கிய வருமானம் இது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்