வாட்ஸ்அப் குரூப் விபரீதம் சொல்லும் ‘ஒரே பேச்சு, ஒரே முடிவு’

சென்னை: புருஸ்லீ ராஜேஷ் நாயகனாக நடிக்கும் படம், ‘ஒரே பேச்சு, ஒரே முடிவு’. ஸ்கிரீன் லைட் பிலிம்ஸ் தயாரிக்கும் இதில், நாயகியாக ஸ்ரிதா சுஜிதரன் நடிக்கிறார். மற்றும் தலைவாசல் விஜய், சம்பத் ராம், மீசை ராஜேந்திரன், ஐ.எம்.விஜயன், கராத்தே ராஜா நடிக்கின்றனர். ஆதர்ஷ் பி.அனில் ஒளிப்பதிவு செய்துள்ள இந்தப் படத்துக்கு யூ.எஸ்‌.டீக்ஸ் இசை அமைத்துள்ளார். மலையாள இயக்குநர் வி.ஆர்.எழுதச்சன் இயக்கியுள்ளார். “வாட்ஸ்அப் குரூப்பில் இணையும் நாயகன், அந்த குரூப்பில் தனது பள்ளிப் பருவ காதலி இருப்பதை அறிந்து சந்திக்கச் செல்கிறான். அதனால் ஏற்படும் பிரச்சினைகளை வைத்து உருவாகியுள்ள படம் இது. படப்பிடிப்பு முடிந்துவிட்டது. விரைவில் திரைக்கு வர இருக்கிறது” என்று படக்குழு தெரிவித்துள்ளது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்