உடைந்த மனங்களை இறுகப் பற்றும் நா.முத்துக்குமாரின் பாடல் வரிகள்!

ரகசியங்களை ஒளித்துக் கொண்ட இரவுகளின் இருட்டினில் தட்டுப்படும் மின்மினி பூச்சிகளின் வெளிச்சம் கொடுக்கும் நம்பிக்கைக்கு இணையானது தான் திரைப்படங்களில் வரும் பாடல் வரிகள். இதை நன்கறிந்தவர் கவிஞர் நா.முத்துக்குமார். மின்மினி பூச்சிகளின் வயிற்றுப் பகுதியில் நிகழும் வேதியியல் மாற்றத்தால் வெளிச்சம் உண்டாவதைப் போலத்தான் அவரது பாடல் கேட்கும் போதெல்லாம் வேதியியல் மாற்றங்கள் நிகழும்.

தனது பாதுகாப்பு, உணவு, துணையை ஈர்க்க மின்மினிப் பூச்சிகளுக்கு அந்த வெளிச்சமே ஆதாரம். நா.முத்துக்குமாரின் பாடல் வரிகளும் அப்படித்தான். கேட்போரது மனதின் தேவை அனைத்துக்குமான ஜீவாதாரம். இவருக்கு முன்னும் பின்னுமாய் பல நூறு கவிஞர்கள் இருந்தாலும் நா.முத்துக்குமாரின் பாடல்கள் கோடி மின்மினிப் பூச்சிகளின் பேரொளியை மனதுக்குக் கொண்டு வருபவை.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்