சசிகுமாரின் ‘நந்தன்’ ட்ரெய்லர் எப்படி? - அழுத்தமான காட்சிகளும், கூர்மையான வசனங்களும்!

சென்னை: சசிகுமார் நடித்துள்ள ‘நந்தன்’ படத்தின் ட்ரெய்லர் வெளியாகி ரசிகர்களின் கவனத்தை ஈர்த்துள்ளது.

ட்ரெய்லர் எப்படி?: அச்சு அசலான கிராமத்து கதையில், அழுக்குப்படிந்த உடைகள், ஷேவ் செய்யாத தாடி, கறையுடன் கூடிய பற்கள் என வித்தியாசமான தோற்றத்தில் கவனம் பெறுகிறார் சசிகுமார். ஒரு கட்டத்தில் அந்த ஊரின் முக்கிய அரசியல் பிரமுகருக்கும் - சசிகுமாருக்கும் இடையே மோதல் வெடிக்கிறது. அதன் பின் நடக்கும் சம்பவங்கள் தான் படமாக இருக்கும் என தெரிகிறது. எளிய மனிதர்களையும், அவர்களின் வாழ்வியலையும், அவர்கள் மீது செலுத்தப்படும் அதிகாரம் குறித்து படம் பேசும் என்பதை காட்சிகள் உணர்த்துகின்றன.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்