காட்டுத் தீ காரணமாக ரத்து செய்யப்படுகிறதா ஆஸ்கர் விருதுகள்? - 96 ஆண்டுகால வரலாற்றில் முதல்முறை

97-வது ஆஸ்கர் விருது விழா வரும் மார்ச் 2-ம் தேதி வழக்கம் போல அமெரிக்காவின் லாஸ் ஏஞ்சல்ஸ் நகரில் நடைபெறும் என்று அறிவிக்கப்பட்டிருந்தது. ஆனால் சமீபத்தில் கலிபோர்னியா மாகாணத்தில் ஏற்பட்ட பயங்கர தீ விபத்தில் லாஸ் ஏஞ்சல்ஸ் நகரம் கடும் பாதிப்புக்குள்ளானது. ஏராளமான வீடுகள், நட்சத்திர ஹோட்டல்கள் தீக்கிரையாகின. இதனால் ஆஸ்கர் விருது இந்த ஆண்டு நடத்தப்படுமா என்று பலரும் சந்தேகம் எழுப்பி வந்தனர். அல்லது ஆஸ்கர் விழா வேறு தேதிக்கு மாற்றப்படலாம் என்று தகவல்கள் வெளியாகின.

இந்த நிலையில், 96 ஆண்டுகால ஆஸ்கர் வரலாற்றில் முதன்முறையாக இந்த ஆண்டு ஆஸ்கர் விருது விழாவை ரத்து செய்வது குறித்து ஏற்பாட்டாளர்கள் பரிசீலித்து வருவதாகவும், இதற்காக டாம் ஹாங்க்ஸ், எம்மா ஸ்டோன், மெரில் ஸ்ட்ரீப் மற்றும் ஸ்டீவன் ஸ்பீல்பெர்க் அடங்கிய குழு நிலைமையை தீவிரமாக கண்காணித்து வருவதாகவும் அமெரிக்க ஊடகமான ‘தி சன்’ தெரிவித்துள்ளது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்